Orioko itsas ondareari buruzko bisita gidatuen azken saioak egingo dituzte asteotan. Bisitak larunbatetan dira, 11:00etan hasita, eta herriko historiaren pasarte esanguratsuenak azaltzen ditu Violeta Bandres Begi Bistan enpresako gidak.
Bisitaren helburua "iraganera bidaia egitea izango da, modu atsegin eta dibulgatzailean". Hala, hiribilduaren sorrera, burdinolak, merkataritzatik eratorritako zergak, ontziolak eta balea arrantza dituzte hizpide.
Honakoak dira hurrengo hitzorduak:
- 2024-08-17: Euskaraz
- 2024-08-24: Gaztelaniaz
- 2024-08-31: Euskaraz
Bisitak hiru euroko prezioa du, eta izena aldez aurretik eman behar da turismo bulegoan (943-83 55 65 telefono zenbakira deituta edo infoturismoa@orio.eus helbidera idatzita. Tokia mugatua da bisitetan.