Gipuzkoako ekialderantz egingo dute desplazamendua Orioko Arraunketa Elkarteko ontziek datorren asteburuan. Larunbatean Hondarribian jokatuko dituzte Euskotren eta Eusko Label ligetako estropadak, eta egun bat geroago, igandean, Pasaian.
Larunbatean, 17:25ean hasita, Euskotren Liigarako puntuagarria den XVI. Txingudiko Bandera izango da jokoan. Haren amaieran, 18:21ean hasita, Hondarribiko XXXVII. Bandera jokatuko dute Eusko Label Ligan aritzen diren traineruek.
Oso urrutira joan gabe, Pasaian jokatuko dituzte igande eguerdian bi ligetarako puntuagarriak diren arraunketa saioak. 11:21ean hasita, Euskotren Ligako Gertu Eraikuntza Bandera jokatuko dute. Hura bukatuta, Eusko Label ligako I. Adinberri Banderako lehiakideen txanda izango da.
Gizonetan, KAE1 ligan ari den Orioren B ontziak ere hitzordua izango du igandean, Hondarribian. Hondarribiko Arrantzaleen Kofradiako XVIII. Bandera jokatuko dute igande arratsaldean, 16:00etan hasita.
