Aurten ere Mendibeltz futbol zelai ondoko berdegunean pasatuko du abuztua Gure Zirkuak, eta gaur bertan izango da lehendabiziko emanaldia, 19:00etan. Hilaren 24ra bitartean hamahiru saio eskainiko ditu, eta sarrerak agortuta daude aurreneko egunetarako: hain zuzen, sarrerarik ez dago gaurko, biharko, osteguneko eta ostiraleko saioetarako.
Hilaren 10etik aurrerako sarrerak, berriz, online daude salgai. Saioak 19:00etan izango dira, eta larunbatetan bi emanaldi eskainiko dituzte, 12:00etan ere egingo baitute ikuskizuna Iker Galartzak zuzentzen duen zirkuak.