Urtero bezala, euskal preso eta iheslarien eskubideen aldeko aldarriak hondartzetara eramango ditu Etxerat euskal preso eta iheslarien senide eta lagunen elkarteak. Sare Herritarrarekin batera antolatu dute aurtengo ekintza, eta guztira euskal kostaldeko sei hondartzatan mobilizatuko dira bihar.
Orion izango da mobilizazioetako bat. Hitzordua 12:00etan da, autobideko zubipean. Ordu berean egingo dituzte protestak gainontzeko bost herrietan ere, Kosta ala kosta, etxera lelopean: Gipuzkoan Donostian Ondarretan eta Mutrikun; eta Bizkaian, berriz, Bakion, Laidan eta Lekeition.