Uztailaren 27an, larunbatarekin, zegoen iragarrita hirugarren urtez jarraian Reggae Festibala, baina, egun bat aurreratzea adostu du udalak. Hilaren 26an, ostiralarekin, egingo da. Izan ere, larunbatean euria dago iragarrita, eta gainerako eragileekin hala adostuta, hartu du erabakia udalak.
Reggae estiloko bakarlari eta taldeen doinuak entzungo dira. Talde hauek joko dute 17:00etatik aurrera Antilla hondartzaren berdegunean jarritako oholtzan: Ines Pardo, King Konsul, Hereje Fighters, Lua Matheus, Revolutionary Brothers eta Asimov (DJ Uve).
Antolatzaileek iragarri dutenez, 22:00ak arte luzatuko da festibala.