Euskotren eta Eusko Label ligetako traineruak Galiziako leihatu dira gaur eguerdian. Orioko bi ontziak laugarren eta bosgarren sailkatu dira, eta, garaile izan dira gaurkoan Arraun Lagunak eta Urdaibai.
Euskotren Ligan, laugarren egin du Oriok. Lehen ziaboga denbora onean egin duen arren, Arraun Lagunak, Donostiarra eta Tolosaldeak indartsu jarraitu dute estropada, eta laugarren postuaren konformatu behar izan du Oriok. Dena dela, sailkapen orokorrean hirugarren da Orio, Tolosarekin berdinduta, 48 punturekin.
Eusko Label Ligari dagokionean, bosgarren postuan bukatu du estropada Orioko ontziak. Hondarribiarekin izan du lehia estua, baina azkenean ia bi segundo lehenago helmugaratu da Hondarribia. Sailkapen orokorrean, berriz, hirugarren postuan da baita ere Orioko gizonezkoen lehen ontzia.
