Pasa den asteburuan Spanish Softball League 2024, azken faseko bosgarren eta azken jardunaldia jokatu da. OBB Bizkorrak taldeko neskak Valentzian izan ziren CS Fenix aurka jokatzeko, eta bi partidak galdu bazituzten ere, aurrez egindako lan bikainari esker, etxeko taldeak bigarren postuan amaitu du liga, eta play-off-ean izango da. Bertan aurkari izango du CBS Rivas taldea –lehen postua duen taldea–. Bost partida jokatuko dituzte oriotarrek haien kontra, eta partida gehien irabazten dituenak aurtengo denboraldiko ligako garaile izango da. Lehen bi norgehiagokak Mendibeltzen jokatuko dira, hilaren 28an, igandearekin.