Datorren asteartea, hilak 16, izango da Karmengo Amaren eguna, arrantzaleen zaindaria. Horregatik, urtero bezala, egun horretan elizkizuna eta prozesioa egingo dituzte Orion.
Elizako hitzordua 18:00etan izango da, eta prozesioa 18:30 jota abiatuko da moilarantz Herriko Plazatik barrena. Han dantzariek Agurra dantzatuko diote Karmengo Amari, eta ondoren etorriko da enbarkazioen bedeinkapena eta arrantzaleen lore eskaintza.