Aurreko urteetan bezala, oraingoan ere Orion pasatuko du udaren zati eder bat Gure Zirkuak. Izan ere, abuztuaren 3tik 24ra bertan eskainiko ditu emanaldiak astean lau egunetan, ostegunetatik igandera bitartean. Beti bezala, Mendibeltz futbol zelai ondoko berdegunean egongo da kokatuta.
Sarrerak online erosi behar dira, eta asteazkenean, uztailak 10, jarriko dituzte salgai. Guztira hamabost emanaldi egingo dituzte Orion; 19:00etan izango dira saio guztiak, eta larunbatetan, 12:00etan ere egingo dute beste saio bat.