Beste urte batez, Musik Apest bertsio gauaz gozatzeko aukera izango dute laster oriotarrek Etxeluze gaztetxean. Negu partean egin izan den musika saio berezia udaren hasierara pasatu dute aurtengoan, eta hala, ekainaren 21ean izango da, ostiralez, 22:00etatik aurrera.
Izena emateko epea zabalik dago ekainaren 17ra arte; oholtzara igotzera animatzen diren herritarrek oriokogaztetxea@gmail.com korreo elektronikora bidali beharko dute mezua, zehaztuz zenbat taldekide izango diren eta zer instrumentu erabiliko dituzten.