Orioko beteranoak Sestaon izan ziren pasa den larunbatean, IV. Bandera jokatzen, eta etxera ekarri zuten denboraldiko bigarren bandera. 13:14,17 denbora eginda lehenak izan ziren helmugaratzen. Haien atzetik egin zuen Zumaiak, 6,78 segundora bukatu zuen estropada, eta hirugarren izan zen Pontejos 14,66 segundoko aldearekin.
Gonbidatuen txandan hartu zuen parte Badok 13ko bigarren ontziak, eta hirugarren postuan amaitu zuen estropada 00:25,85 denborarekin. Aurretik izan zituen Zumaia B ontzia (14:06,13), eta Illumbe (13:44,78).