Urtero bezala, ate irekiak prestatu ditu Orio Arraunketa Elkarteak herriko gaztetxoentzat. 2014an edo lehenago jaio eta arrauna probatu nahi dutenek, gaur hasi eta ekainaren 28ra arte edukiko dute horretarako aukera Arraunetxen, asteazken eta ostiral arratsaldeetan, 17:00etatik 18:15era.
Entrenamenduetan parte hartu nahi dutenentzat baldintza bakarra jarri dute: arropa egokia eramatea. Informazio gehiago nahi duenak, berriz, 678 13 68 62 zenbakira deitu dezake eta Ekainengatik galdetu.