Udaberri betean ohi denez, Orioko Kros Txikia jokatu da gaur, larunbatarekin. XIII. edizioa izan da aurtengoa, eta aurreko urteetan egin bezala, goizean goiz herritarrez bete dira Zaragueta inguruak.
Dortsalak jaso, beroketa ariketak egin, eta korri egiteari ekin diote. HH 2 eta 4 mailakoek 100 metroko lasterketa egin dute; 150 metrokoa HH 3 eta 4 mailakoek; LH 1 eta 2koek 300 metro osatu dituzte; LH 3 eta 4koek 600 metro; eta, azkenik, kilometro bateko lasterketa egin dute LH 5 eta 6 mailakoek.
Lasterketak amaitu bezain pronto, hamaiketakoa eskaini diete Zaraguetako patioan bertan, eta dominak ere jaso dituzte etxeko txikienek, oroigarri gisa.