Almonteko (Huelva, Espainia) Rocioko Amabirjinaren erromerian dabiltza egunotan Ostargi elkarteko hamasei kide. Handik hedabide honi azaldu diotenez, orain dela urtebete sortutako proiektua da, eta ikasturtean zehar egin dituzte erromerirako arropak eta osagarriak.
"Nongoak garen dudarik ez izateko, bandera eta guzti joan gara", kontatu dute. Ostargiren bandera horia jarri diote zaldi karroari.
Asteartean dira bueltatzekoak Oriora, eta makina bat kontu ekarriko dute handik.
