Maiatzaren 3an aurkitu zuten emakume baten gorpua Donibane Lohizuneko (Lapurdi) hotel batean. Gertatutakoa ikertzeko ikerketak zabalik jarraitzen duen arren, hilketa matxistaren zentzuak ditu gertaerak. Ustezko hiltzailea, emakumearen bikotekidea, atxilotu du poliziak.
Hilketa matxista salatzeko elkarretaratzea egin zuen atzo arratsaldean mugimendu feministak, Aski da! Indarkeria matxisten aurrean autodefentsa feminista leloa hartuta. Herriko plazan egin zuten elkarretaratzea, eta jendetsua izan zen.