Danbolin Musika eta Dantza Eskolako ikasleak kalera atera ziren atzo eguerdian, urtero lez, DanbolinFest jaialdiarekin batera. Instrumentuko eta dantzako ikasleak kalejiran hasi zuten eguna. Herrian barrena egin zuten ibilbidea, herriko plazan bukatu arte. Bertan herritar asko zain zeuden, eta beste hainbat iritsi ziten kalejirarekin batera. Plaza herritarrez beteta zela hasi zuten ekitaldia. Emanaldi txukuna egin zuten guztiek ere, urduritasuna aparte utzita. Egin beharreko lanak bukatuta, tripak betetzeko bazkaria egin zuten ondoren, eta festak jarraipena izan zuen arratsaldean. Karaokean jardun ziren.