Enplegu publikoan behin-behinekotasuna murrizteko egonkortze-prozesuaren barruan, Orioko Udalak udal-plantillako 47 lanposturen deialdia egin zuen pasa den udaberrian, Gipuzkoako Foru Aldundiak sinatutako kudeaketa gomendioaren baitan. Bada, gutxika lanpostuetako kalifikazioen berri ari da ematen. Oraingoan zortzi kalifikazio eman ditu jakitera. Hona hemen kalifikazioak:
- Irakaslea (Gitarra klasikoa)
- Mantentze arduraduna
- Eginkizun askotarako ofiziala
- Administrazio Orokorreko Teknikaria
- Ekonomia Teknikaria
- Administrari laguntzailea
- Administraria
Hamar laneguneko epean, alegazioak aurkezteko epea luzatuko da apirilaren 23ra arte.
Berdinketa
Administrazio Orokorreko Teknikarien prozesuan, aldiz, lehenengo postuan geratu diren izangaien artean berdinketa izan da. 80 puntu lortu dituzte biak ala biak. Hori dela eta, berdinketa hausteko irizpideei jarraiki, puntuazioan berdinduta geratu diren izangaiek baita ere 10 egun balioduneko epea izango dute, apirilaren 23ra arte, Orioko Udalean edo beste administrazio publiko batzuetan egindako zerbitzuak egiaztatzen dituzten agiriak aurkezteke.