Ekitaldi bitxia egingo dute bihar, astelehena, Orioko Kultur Etxean. "Kirol berritzaile" baten berri emango dute: drone soccer erakutsiko dute; alegia, dronak erabiliz jokatzen den futbola.
Joko hori bultzatzeko Flybble kooperatiba sortu dute Euskal Herrian, eta hango kidea da Nikolas Iriondo oriotarra. Hark jakinarazi du bihar 11:00etatik aurrera kirol horri buruz informazioa eskuratzeko aukera egongo dela Kultur Etxean.
Antza, kirol hori Hego Korean sortu zuten, 2016. urtean, eta egun 30 herrialde baino gehiagotan jokatzen dute 15.000 jokalarik baino gehiagok. "Drone soccer droneen eta futbolaren arteko fusioa da. Bideo-jokoen zirrara, futbolaren eta txapelketen intentsitatea bizitzeko diseinatuta dago", diote kooperatibakoek.