Bizkaian, Berangon, jokatu da Euskadiko Euskadiko Eskalada Txapelketa, Sputnik rokodromoan, joan den larunbatean, martxoak 16. Hiru oriotar igo ziren podiumera, hirurak familia berekoak: Eneka Guenetxea aita eta Manex eta Lur Guenetxea semeak.
Enekak eta Lurrek txapela eskuratu zuten nork bere kategorian; 50 urtetik gorakoetan, eta 14 urtez azpikoetan (12 urte ditu Lurrek). Manex, berriz, hirugarren izan zen 18 urtez azpikoetan (16 urte ditu). Etxeko gazteenak lehenengo aldiz parte hartu du Euskadiko Txapelketan, eta haren senitartekoek azaldu dute "igandean artean sinetsi ezinik" zegoela.
Boulder txapelketa izan zen, hau da, blokekoa, eta seniorretan Andoni Esparta eta Idoia Martinez izan ziren txapeldunak. Antolatzaileek azaldu dutenez, "final gogorra" izan zen, eta partaideek "maila bikaina" erakutsi zuten. 207 lagunek eman zuten izena lau kategoritan: 14 urtez azpikoak, 16 urtez azpikoak, 18 urtez azpikoak, seniorrak eta 50 urtetik gorakoak, eta "Euskadiko Txapelketa eskaladaren festa bihurtu zen, 08:00etan hasi eta goizaldean amaitu zena, mereziako ospakizunekin".