Emakumeen Espainiako jubenil mailako selekzioko hautatzaile Cristina Cabezak aurten Txinan jokatuko den Munduko eskubaloi txapelketara eramango dituen jokalarien lehen zerrenda iragarri du. Multzo horretan da Libe Arruabarrena Replasa Beti Onak taldean jokatzen duen jokalari oriotarra. Hilaren 26tik aurrera Leganesen (Madril, Espainia) egingo duten kontzentraziora daude deituta jokalari hauek, eta haren ondoren, abuztuaren hasieran, iragarriko ditu Cabezak zer hamazazpi jokalarik osatuko duten mundialerako azken zerrenda.