Pasa den asteburuan jokatu zen Burlatan Navarra Softball Cup aurre denboraldiko lehia, eta OBBko seniorren taldeak lortu zuen garaipena. Espainiako Ohorezko Sofbol Liga hastear da, eta hainbat talde bildu ziren txapelketan prestaketa gisa: Arga, Izaga, Dridma, Cambre, OBB eta Pessac taldeak, hain zuzen ere.
Oriotarrek lan bikaina egin zuten talde mailan nahiz bakarka. Izan ere, OBBko jokalari Igone Etxeberria izendatu zuten txapelketako bateatzaile onena eta MVP edo txapelketako jokalari baliotsuena. Horrez gain, Enara Simonena izendatu zuten jaurtitzailerik onena.