Orioko bizilaguna zen atzo Orroagako (Getaria) itsas istripuaren ondorioz hil zen herritarra. Ezbeharra, 21:15 aldera gertatu zen. Orduan jaso zuten abisua Ertzaintzako informazio zerbitzuek. Antza denez, itsasontziak haitzen kontra jo eta irauli egin zen.
Hiru lagun zihoazen ontzian, eta bi onik erreskatatzea lortu bazituzten ere, bi orduz bila aritu ondoren hilda aurkitu zuten hirugarren pertsona. Erreskate operazioan parte hartu zuten larrialdi zerbitzuek, helikopeteroak, hainbat erreskate ontzik, urpekariek eta suhiltzaileek.