Igandean aulki mugikorreko Ibilbide Luzeko 2024ko Gipuzkoako Txapelketa jokatuko da Bidasoa ibaian, Irungo Santiagotarrak arraun elkarteak antolatuta. 10:45ean hasiko da hitzordua eta Gipuzkoako sei elkartek parte hartuko dute bertan: Ur Kirolak, Arraun Lagunak, Hondarribia, San Juan, Santiagotarrak eta Orio Arraunketa Elkarteak. Guztira, 135 ontzik eman dute izena txapelketan, eta oriotarrek 29 aurkeztuko dituzte, 83 arraunlari guztira.
Datorren larunbatean, berriz, Euskadiko Txapelketa jokatuko da, hori ere Bidasoa ibaian.