Eusko Jaurlaritzako Trafiko sailak jakinarazi du autobus batek su hartu duela AP-8 autobideko 33. kilometroan, Bilborako noranzkoan, Orio parean. Ertzaintzak zehaztu duenez, ibilgailua matxuratu egin da eta su hartu du. Hala ere, ez da zauriturik izan ezbeharraren ondorioz. Autobusa, ordea, kiskalita gelditu da.
Errepidea itxita dago Bilborako noranzkoan, auto pilaketak sortu dira, eta zirkulazioa Orioko bidesaritik barrena desbideratzen ari dira.