- Don't Look Back in Anger (Oasis)
80ko eta 90ko hamarkadetan pop eta rock asko entzuten nuen: Blur, Oasis, Offspring, Dire Straits, The Police, Elton John, Radiohead... beranduago Muse... Sarritan jartzen ditut halako abesti zerrendak. Zaila da kantu bat aukeratzea, baina hemen doa gustukoa dudan Oasisen bat.
- Piano kontzertua (Rachmaninov)
20 urterekin musika klasikoa deskubritu nuen. Nire sorpresarako, Chopin, Liszt, Bach, Schumann edo Rimsky-Korsakov entzuten ikusi nintzen. Ordutik ez dut utzi. Hemen doa Rachmaninoven piano kontzertu hunkigarri bat.
- Throne Room (John Williams)
Garai zinemazaleak izan ditut. Musika bikaina dago filmetan, eta horregatik mundu hau presente eduki nahi dut zerrenda honetan. Konpositore bat aukeratu beharko banu, John Williams izango litzateke. Hemen doa indarra eta aldi berean fintasuna duen bere pieza bat.
- Alto e glorioso Dio (Marco Frisina)
Bost urtez bizi izan naiz Italian. Asisko San Frantzisko fededun pobrearen otoitz hau aukeratzen dut, Marco Frisinak musikatua.
- Oi Bethleem (Aita Donostia)
Euskal kantuak txikitatik bizi izan ditut etxean. Altxor asko ditugu, baina Eguberrietan gaudenez, Gabon kanta bat aukeratzen dut, urtero familiako festa giroan abestu duguna.
