Sos Arrazakeria elkarteak laguntza eskatu die herrietako elkartasun taldeei, eta hala, Orioko Erein elkartasun taldeak material bilketa egingo du ostiral arratsaldean eta larunbat goizean: "Urtero bezala, negua iristearekin batera jende asko gerturatu da Donostiako harrera sarera, eta haiei laguntzeko antolatu dugu bilketa", azaldu dute Orioko taldeko kideek.
Materiala plazan jasoko dute, ostiralean 17:00etatik 19:00etara, eta larunbatean, 11:00etatik 13:00etara. Eman daitekeen materiala, berriz, honakoa da:
- Motxilak
- Gizonentzako arropa
- Barruko arropa
- Galtzerdiak
- Eskularruak eta txanoak
- S eta M neurriko galtzak
- 41,42,43 neurriko oinetakoak
- Lo zakuak eta mantak
- Gasezko suak edo elektrikoak
- Kanping dendak, esterillak eta linternak
- Sakelako telefonoak
- Bizikletak
- Kirola egiteko arropa
Materiala eman gabe ere, laguntzeko modu gehiago jarri ditu taldeak herritarren eskura: batetik, diruz laguntzeko aukera dago, Bizum eginda 00980 zenbakira. Bestetik, Erein elkartasun taldean boluntario lanak egin daitezke, horretarako 662 540 967 telefono zenbakira deituta.