Badira hiru urte inguru Orioko guraso talde bat elkartzen hasi zela mugikorrek eta internetak haurrengan izan dezaketen eraginaz kezkatuta. Elkarlanaren ondorioz, hasierako taldetxoa herri mailakoa izatera pasatu da, eta astelehenean, hilak 11, Altxa Burua Orio egitasmoa aurkeztuko dute 18:30ean Salatxo aretoan.
Aurkezpenean parte hartuko dute Telmo Lazkano eta Maitane Ormazabal Nerabeen Garrasia liburuaren idazleek. Gaiarekin interesa duten gurasoak aurkezpenera gonbidatu dituzte taldeko kideek.