Talai Mendi helduen dantza eskolak euskal dantzen ikastaroa eskainiko du Kosta Tailerrean. Datorren asteazkenetik aurrera, astero bilduko dira bertan, 21:00etan, eta ordubeteko saioetan, erromeriako eta plazako dantzak ikasteko aukera izango da.
Ikastaroa 18 urtetik gorako herritarrei zuzenduta dago, eta euskal dantzak atsegin dituzten oriotarrak ikastarora gonbidatu dituzte antolatzaileek.