Auto istripua izan da AP-8 autobidean, Usurbil parean, 32. kilometro parean, Irungo norabidean, eta 6 kilometroko auto pilaketak daude une honetan. Trafiko Zuzendaritzak jakitera eman duenez, lau ibilgailuk elkarren aurka jo dute 07:30ean, eta gidarietako bat auto barruan harrapatuta geratu da. Suhiltzaileek atera behar izan dute, eta Donostia Ospitalera eraman dute anbulantzian.
Ezbeharraren ondorioz, errepidea guztiz itxi dute, baina 08:30erako, bi errei zabaldu dituzte. Istripuak pilaketak eragin ditu baita ere N-634 errepidean, Orio parean.