Onenen parean aritu da gaur Orio Arraunketa Elkartea gizonezkoen Kontxako Banderako lehenengo jardunaldian. Laugarren denbora onena egin du azkarrena izan den Urdaibairengandik bost segundo eskasera.
Oriotarrak hasieratik atera dira dena ematera eta lehia estua izan du lehenengo txandan aurkari izan dituzten Donostiarra, Hondarribia eta Zierbenarekin, Eusko Label ligako lau oilarretako hiru. Sei segundoko tartean sartu dira lau ontziak. Hondarribia, lehenengo eta Donostiarra eta Orio ondoren pare-parean.
Nolanahi ere, bigarren txandan aritu den Urdaibai izan da gaurko denbora onena markatu duena, esan bezala. Segundo batean hobetu du Hondarribiak jarritako marka poparean sekulako estropada egin ondoren; izan ere, hamabi segundoko aldea atera dio Ama Guadalupekoak Bou Bizkaiari lehenengo luzean. Orio izan da, hain justu, bigarren ontzirik azkarrena ziabogan.
Hori horrela, 33. Kontxako Banderaren lehian bete-betean izango da Orio datorren igandeko bigarren jardunaldi. Hori bai, lau aurkari gogor izango ditu aurrean, bost baitira bandera irabazteko aukera garbiak dituztenak; izan ere, joan den osteguneko sailkapen proban onena izan Zierbena ere ezin da baztertu, nahiz eta, gaur bosgarrena izan den. Bermekoengandik zazpi segundora besterik ez dago.
Sailkapena
1. Bermeo Urdaibai 19:20.92
2. Hondarribia 19:22.17
3. Donostiarra 19:25.11
4. Orio Orialki 19:25.89
5. Zierbena 19:28.67
6. Cabo-Rianxeira-Boiro 19:48.60
7. Getaria 19:49.12
8. Ondarroa 20:01.04
