Orioko Futbol Elkarteko Futbol Eskolan izena emateko epea zabaldu dute. Aurten 2012 eta 2015 urteen artean jaiotako haurrek (biak barne) parte hartu dezakete, eta elkartetik jakinarazi dutenez, irailaren 25ean abiatuko dituzte entrenamenduak; astean saio bana egingo dute haurrek, adin tarteka banatuta. Ordutegiak zein izango diren ere zehaztu dute, baina izena ematen duten neska-mutil kopuruaren arabera aldaketak egon daitezkeela ohartarazi dute. Hona hemen ordutegiak:
- LH3 eta LH4 (neskak eta mutilak): astelehenetan 16:45etik 17:45era.
- LH5eko eta LH6ko neskak: astelehenetan 17:45etik 19:00etara.
- LH6ko mutilak: astelehenetan 18:00etatik 19:30era.
- LH5eko mutilak: ostegunetan 16:45etik 17:45era.
Izena-ematea
Futbol Eskolan parte hartu nahi duten haurren gurasoek honako izena-emate orria bete behar dute irailaren 13rako. Denboraldi guztirako 150 euroko kuota bakarra izango da ume bakoitzeko. Bestalde, Futbol Eskolan lehen urtea duten haurren gurasoentzat bilera antolatuko dute arduradunek irailaren 18rako, eta bertan eskolako funtzionamendua azalduko diete gurasoei. Hala eta guztiz ere, norbaitek izena emateko orduan zalantzaren bat izango badu, 640 06 19 49 telefono zenbakira deitu edo Whatsappa idatzi dezake futbol eskolako arduradunarekin harremanetan jartzeko.