Atzo arratsaldean antzerki emanaldia izan zen Orioko Herriko Plazan, Trapu Zaharra konpainiaren eskutik. Jende asko gerturatu zen saiora ikustera eta ikusleak barre algaraka jarri zituzten aktoreek. Izan ere, Turistreando antzezlanak udan puri-purian dagoen gaia jorratuko zuen umorea erabiliz, turismoa. Bidaia agentzia batek stand bat jarriko zuen plazan, kioskoaren azpian, nahieran antolatu daitezkeen bidaia birtualak saltzeko, eta itsasontzian egindako bidaiarekin oso pozik dagoen emakume bat aukeratuko zuten bidaia birtualak nola antolatzen diren zuzenean erakusteko.