Orio Eragin eskubaloi klubak torneoa antolatu du asteburu honetarako. Karelan jokatuko dituzte partida guztiak, eta gaur arratsaldean lagunarteko bi partida izango dira. Hain zuzen ere, lehen partida 17:45ean hasita jokatuko dute Rocasa Gran Canariak eta Replasa Beti Onakek. Bigarren partida, berriz, Bidasoa Irunek eta Bathco Torrelavegak jokatuko dute, 20:00etatik aurrera.
Bost eurotan daude salgai partidetarako sarrerak: Rocasa Gran Canaria-Replasa Beti Onak partidarako sarrerak lotura honetan daude eskuragarri; Bidasoa Irun-Bathco Torrelavega neurketakoak, berriz, lotura honetan.