Orio Arraunketa Elkarteak traineru denboraldia aurkeztuko du gaur arratsaldean herriko plazan. Kategoria guztietako 200 arraunlari inguru eta talde tekniko guztia bilduko dituzte ekitaldian: arraunlari, entrenatzaile, prestatzaile, mediku, fisioterapeuta, kirol zuzendari eta presidentea, guztiak bertan izango dira. Traineruaren aurrean denboraldiko argazkia aterako dute, eta #nioriorekin bazkide kanpaina abian jarri. Hain zuzen ere, aurten herriko kirol talde guztiei aitortza egingo die arraun elkarteak, egiten duten lana balioan jartzeko, "Orioko kirol talde guztiak ontzi berean goazelako".
Orio Arraunketa Elkarteko denda ere zabalik izango da gaur plazan. Herritarrak aurkezpenera gonbidatu dituzte arraun elkarteko ordezkariek. 18:30ean izango da hitzordua.
