Hilaren 13an izango den San Antonio egunerako bazkaria antolatu du Orioko Kofradiak. Urtero lez, 12:00etan meza izango da elizan, eta ondoren, jubilatuentzako bazkaria, 14:00etan, Altxerrin. Ordu laurden lehenago aterako da bazkaltzera joateko autobusa, 13:45etan, Arkaitz tabernaren paretik.
Bazkarian izena emateko, kofradiara (Anbulategi azpira) bertaratu behar da, gaur edo ostiralean. 8:30-13:00 ordutegiarekin egongo da irekita.