Orioko Futbol Taldeak eta GKEF Gipuzkoako Kirol Egokituaren Federazioak antolatuta, futbol egokituko topaketa irekia egingo da larunbat honetan, maiatzak 13, Mendibeltz futbol-zelaian. Ekimenaren helburua nagusia desgaitasuna duten haur eta gazteei futbolean jokatzeko aukerak ematea da, eta gizarteak kirol egokituarekiko duen ikuspegia aldatzen laguntzea. Horretarako, alebin mailako neska-mutiko guztiei zuzendutako (bai desgaitasunen bat dutenei eta bai ez dutenei) topaketa antolatu dute.
12:00etan egingo duten saioak entrenamendu formatua izango du, eta desgaitasunen bat duten eta ez duten gazteek elkarrekin jokatuko dute. Horren aurretik, gaiaren inguruan sentsibilizatzeko hitzaldia eskainiko du Alicia Figueroa GKEFko kideak. 11:00etan izango da, Mendibeltzen bertan.