Eguneroko gatazkak haurtzaroan izenburupean hitzaldia emango du Nerea Mendizabal gizarte-hezitzaile, psikopedagogo eta hizkuntza ez bortitzean adituak. Maiatzaren 3an izango da saioa, 18:00etan, haurreskolan bertan. Hitzaldia irekia izango da eta gaiarekin interesa duten guztiek parte hartu dezakete.
Haurreskolako guraso-batzordeak antolatu duen hitzaldi-zikloko bigarren saioa izango da datorren asteazkenekoa. Otsailean hizkuntza-garapenari buruzko hitzaldia eskaini zuen Itxaso Erdoiza logopedak, eta maiatzaren 24an —asteazkenarekin, baita ere— hirugarren bat egingo dute, haurren loari buruzkoa. Kasu horretan, Nahia Alkorta haurren garapenean eta loan aditua izango da gidaria.