Junior mailako emakumeen Espainiako eskubaloi selekzioko entrenatzaileak zein jokalariren parte hartzea nahi duen esan zuen hil honen erdialdean. Jokalarien zerrendaren berri eman zuen eta deialdian zegoen Maialen Orbañanos oriotarra. Hamazazpi urteko jokalaria lehen aldiz izan da deitua Espainiako selekzioarekin, eta Hungariako nazioarteko txapelketa jokatuko du, Errumania, Alemania eta Hungaria beraren aurka.
Gaur bertan elkartuko da Madrilen taldekideekin, eta martxoaren 1etik 5era bitartean izango da Hungarian.