Gaur egin dute Orion Sahararen aldeko festa. Herriko Plazan izan da ekitaldia, eta bertan elkartu dira dozenaka herritar. Haima bat jarri dute, bertan hena marrazkiak eta tea hartu ahal izateko.
Horretaz gain, janaria ere dastatu ahal izan dute herritarrek, besteak beste, kuskusa edo haragi pintxoak. 13:00etan, aldiz, ikurrina eta Saharako bandera eskegi dituzte udaletxeko balkoian, eta hainbat herritarrek irrintzia ere bota dute.