Emakumeen Etxea laster irekitzea aurreikusten da Orion, eta dagoeneko hasi dira proiektua ehuntzen. Hain zuzen ere, Orioko Emakumeen Etxea izango denaren oinarriak zehazteko prozesu parte-hartzailea abiaraziko dute Emakumeen Mahaiak eta Ahalduntze Eskolak. Prozesuko protagonistak emakumeak izatea nahi dute, eta guztien artean, elkarlanean, diseinatuko da espazioa. Horretarako, bilera irekia deitu dute; otsailaren 28an izango da, 18:30ean, Kultur Etxeko areto nagusian. Herriko emakume guztiei parte hartzeko deia luzatu diete.
Emakumeen Etxearen oinarriak zehazteko bilera irekia antolatu dute
Orioko Emakumeen Mahaiaren eta Ahalduntze Eskolaren asmoa da Emakumeen Etxea herriko emakumeek diseinatutako espazio bat izatea. Horretarako, bilera irekia izango da hilaren 28an, Kultur Etxean.
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide