Orioko Udaleko 2023ko aurrekontua, udal webgunean ikusgai

Aiora LarraƱaga Solaberrieta

Orioko Udala

Abenduan Udalak 2023ko aurrekontua aho batez onartu ondoren, herritar guztien eskura jarri dute udal webgunean.

Orioko Udalak jakinarazi duenez, 2023ko aurrekontua ikusgai jarri du webgunean, udal erakundea herritarrei hurbiltzeko asmoz. Horrela, ondorengo esteka honetan zintzilikatu du. 

Zehazki, aurtengo aurrekontua 9.039.179 eurokoa da, eta gastuak sei kapitulutan banatu ditu Udalak: pertsonal-gastuak, 3.780.159,00 euro; ondasun arrunten eta zerbitzuen gastuak, 3.385.320,00 euro; finantza-gastuak, 6,00 euro, transferentzia arruntak, 1.625.332,00 euro, kreditu globala, 125.000,00 euro eta inbertsio errealak, 123.362,00 euro. 

Erakundeak edukiko dituen sarrerak, berriz, zazpi ataletan sailkatuta daude: zuzeneko zergak, 1.458.362,00 euro; zeharkako zergak, 70.000,00 euro, tasak eta bestelako zergak, 1.848.989,00 euro, transferentzia arruntak, 5.416.710,00 euro; ondare-sarrerak, 205.118,00 euro eta inbertsio errealak besterenganatzetik eta hirigintzako jardueratatik jasotakoak, 40.000,00 euro.

Gaurko ametsak biharko albiste izan daitezen, beharrezkoa dugu zure babesa.


Egin bazkide