Astebete falta da Euskaraldia hasteko, eta Orioko Euskaraldiko batzordea buru-belarri lanean ari da. Gaur arratsaldean, 17:30etik 19:30era, mahaia jarriko dute kultur etxeko sarreran, txapak banatzeko. Horretaz gain, oraindik Euskaraldian izena eman ez duten herritarrek horretarako aukera ere izango dute. Gaur arratsaldeko hitzorduaz gain, datorren asteazkenean, hilak 16, ere jarriko dute mahaia, ordu berean.
Horrez gain, izen-emate kutxa finkoak ipini dituzte kultur etxean eta Karela kiroldegian, aurrez aurre izena eman ezin dutenentzat.
