Zaharren Babeslekuak ohiko ekimenei heldu die, eta irailean, elkarteko hainbat kide Andaluzian (Espainia) izan dira. Izurritearen aurretik, irailean urtero egin ohi zuten bidaia luze bat, eta aurten osasun egoera egonkortu dela ikusita, berrartu egin dute ohitura, bi urteko etenaldiaren ostean. 41 lagun joan dira Andaluziako bidaiara, eta ederki pasa dutela adierazi du elkarteko presidente Txomin Iribarrek.
Bestalde, urrian abiatuko du ikasturte berria Zaharren Babeslekuak. Hala, urriaren 5ean, asteazkenean, lehen bingo saioa egingo dute Orioko Kultur Etxean. Ondoren, azarorako, egun-pasa antolatu dute Arantzazura.