"Arazo teknikoak direla medio", Iker Lauroba & Beste Urtaroak taldea ostiralean Karela kiroldegian ematekoa zen kontzertua lekuz aldatzea erabaki dutela jakinarazi berri du udalak, eta emanaldia Herriko Plazan izango dela, 22:00etan hasita eta doan.
Kiroldegiko emanaldirako sarrera erosita duten herritarrei dirua itzuliko dietela argitu du udalak. Online eskuratu dutenei, automatikoki egingo zaie itzulketa; kultur etxean erosi dutenek, aldiz, bertara jo beharko dute.