Orio Arraunketa Elkarteak denda jarriko du arratsaldean plazan

Herriko gizonen eta emakumeen taldeek Donostiako estropada jokatuko dute datozen bi igandetan, eta neska-mutilak animatzeko herritarrak horiz janztera animatu ditu elkarteak. Hala, oraindik elkarteko materiala ez dutenek gaur arratsaldean erosteko aukera izango dute; izan ere, denda jarriko du elkarteak plazan, 18:00etatik aurrera Elastikoak, kirol-jertseak, banderak, katiluak eta elkarteko beste hainbat material erosteko aukera izango da bertan. "Gure neska-mutila animatzeko jantzi horiz eta horitu balkoiak", egin dute dei elkarteko arduradunek.