Atzo gizonen sailkatze estropada izan zen, eta gaur emakumeen txanda izango da. Zortzi ontzi arituko dira lanean datozen bi igandetan. Donostiarra ontzia dagoeneko sailkatuta dago, eta beste zazpi lekuak betetzeko lehian arituko dira gaur sailkatze estropada honetarako izena eman duten hemeretzi ontziak. Erlojupeko saioa egin beharko dute eskifaiek.
Goizean egin dute zozketa eta dagoeneko erabakita dago zer ordenetan aterako diren traineruak Donostiako badian jarritako buia paretik. Orio Orialki bosgarren postuan abiatuko da. Ezusteko handirik izan ezean, Oriokoak Donostiako badian izango dira datozen bi igandetan, hilaren 4an eta 11n. Euskotren liga irabazi ondoren, Kontxako bandera irabazteko faboritoetakoa da Patxi Francesek gidatutako taldea.
Orden honetan irtengo dute ontziek.
1. Tiran
2. Tolosa
3. Delteco Zumaia
4. Deusto
5. Orio Orialki
6. Cabo
7. Hibaika
8. Chapela
9. Arraun Lagunak
10. Hondarribia
11. Ondarroa
12. Perillo
13. Zarautz Gesalaga Okelan
14. Castro.
15. Rianxo
16. Mugardos
17. Portugalete
18. Hernani
19. Castropol
