Intza Unanue abeslariak emanaldia eskainiko du datorren igandean, irailak 4, Sanagustin kulturgunean. 19:00etan hasita emango du kontzertua oriotarrak, eta oholtzan, besteak beste, bere lehen laneko abestiak joko ditu. Hain zuzen ere, joan zen azaroan argitaratu zuen musikariak Ilundu aurretik deituriko lehen EP-a, eta bost abestiz osaturik dago. Honako lotura honetan irakur daiteke lan horren harira Iñigo Gaiton kazetariak oriotarrari egindako elkarrizketa.
Sarrera doakoa eta librea izango da; beraz, edonork izango du kontzertuaz gozatzeko aukera. Katapulta Tour Gipuzkoa 2022 zirkuituaren barruan eskainiko du kontzertua Intzak.