Orio Orialkik estropada bikaina egin du beste behin, eta denboraldiko bandera preziatuenetakoa etxeratu du gaur Zarautzen. Donostiarrak ere sekulakoa egin du, bigarren helmugaratu baita trainerua, eta horrekin, Euskotren ligan tokia mantentzea lortu du, Tolosaldearen kaltetan. Play-offa jokatu beharko du horrek.
Aurreneko harrera Getariako arranplan, bigarrena Orioko plazan
Orio Arraunketa Elkarteak partekatutako bideoan ikus daiteke Orio Orialkiko neskek trainerua uretatik atera duten unea Getarian. Hantxe zituen zaletu batzuk zain, txaloka, baita beste traineruetako arraunlariak ere. Klubak gogorarazi du gaur "harrera berezia" merezi dutela, eta 20:00etan plazara bertaratzera deitu ditu herritarrak.
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide
