Ekainaren 17an, ostiralarekin, KZguneko tutorea Orioko bulegoan izango da, 16:00etatik 17:45era, eta herritarrek tramiteak egiteko, ikastaroa antolatzeko eta zalantzak argitzeko aukera izango dute. Dena dela, KZguneko arduradunarekin biltzeko ezinbestekoa izango da ordua hartzea; horretarako tutor.orio@kzgunea.net helbidera idatzi dezakete herritarrek edo 945-062 555 telefono zenbakira deitu.
KZgunean BakQ eta Metapostaren kudeaketari, nabigazioari eta teknologia berriei lotutako ikastaroak eskaintzen dituzte. Aurrez aurreko saioak izan daitezke, baina badituzte urrunekoak edo bideokonferentzia bidezkoak ere; ikastaro horien inguruko informazio osatua nahi dutenek KZguneko webgunean dute hori lortzeko aukera.