Seguros Bilbao Orio eskubaloi taldea, Gipuzkoako azpitxapeldun

Infantilen mailako Gipuzkoako Txapelketa bigarren lekuan bukatu du Orioko taldeak, eta orain, Euskadiko sailkapeneko hirugarren edo laugarren postuan bukatuko duen erabakitzeko lehiatu beharko  du. Datorren asteburuan izango da hori: oriotarrek Bizkaiko azpitxapeldun gelditu den Etxebarriko Kukullagaren aurka neurtuko dituzte indarrak. Larunbatean joaneko partida jokatuko dute Etxebarrin; eta igandean, itzulerakoa, Orion.